News Update!

Transisyon sa probinsiya gihan-ay; mga kontra mag-usa sa pagpanumpa

64

NAGTAGBO ganihang buntag ang transition teams ni Gob. Edgar Chatto ug Vice Governor-elect Dionisio Balite alang sa hapsay nga pag-asumir sa mga nasubli-an ug bag-ong napiling opisyales sa probinsiya sa Hunyo 30.

Apil nilang gituki ang hiniusang programa sa pagpanumpa sa katungdanan gikan sa nasubliang gobernador ngadto sa mga kongresista ug mga sakop sa bag-ong hut-ong sa hunta probinsiyal.

Ang transition team nga gimugna ni Chatto gipangunahan ni Provincial Administrator Ae Damalerio samtang si Bokal Tomas Abapo, Jr. ang nangulo sa kampo ni Balite, kinsa mopuli ni Bise Gob. Concepcion Lim.

Giawhag sa gobernador ang mga LGUs sa pagtukod og kaugalingong transition teams inabagan sa lokal nga DILG.

Ang transition meeting sa kapitolyo gitambongan sab sa napili pagbalik nga sila si Board Members Benjie Arcamo, kinsa maoy bag-ong senior board member, Abel Damalerio ug Elpidio Jala.

Didto sab ang mga bag-ong bokal nga sila si Ricky Masamayor, Aga Avenido, Jade Bautista ug Victor Balite samtang wa katambong si Niño Rey Boniel ug nagpada’g representante si Alexie Tutor.

COMMENT Here...

About the author / 

admin

Related Posts

New Capitol Building

Follow Us