News Update!

Padayong paglampos kontra druga sa rehiyon gidayeg sa RDC chairman

77

GIDAYEG ni Bohol governor ug Regional Development Council (RDC) Chairman Edgar Chatto ang padayong kalamposan sa kolaborasyon sa rehiyon batok sa ginadiling drugas.

Kini samtang gipun-an paghingusog ang seryosong kampanya kontra druga dinhi mismo sa Bohol, apil ang tutok nga pag-edukar sa kabataan batok sa adiksyon sa subling pagbukas sa klase.

Ang pagsumpo sa krimen, ilabina ang pagpayuhot og drugas, maoy mag-unang agenda sa tigum sa Regional Peace and Order Council (RPOC) nga ipahigayon sa syudad sa Tagbilaran karong Hunyo 15.

Ang tigum pangunahan ni Cebu Gov. Jun Davide isip tsirman sa RPOC ug kini hiniusang himoon uban sa RDC ni Chatto.
Matud ni Chatto, mag-unang agenda sa RDC ang pagsustinir sa nuebe porsento (9%) nga pagtubo sa ekonomiya sa Rehiyon 7 sa nilabayng lima ka tuig.

Nasulod sa maong lima ka tuig nga pagsulbong sa ekonomiya ang tulo ka tuig nga pagpangulo ni Chatto sa development council sa Central Visayas, sumala sa National Economic and Development Authority.

 

source: EDCOM

COMMENT Here...

About the author / 

admin

Related Posts

Follow Us