News Update!

Dialysis machines para sa layo nga mga tambalanan sa Bohol

58

GIHANGOP sa mga Bol-anon ang programa sa probinsiya sa pagbutang og mga dialysis machines sa mga district hospitals sa Jagna, Carmen ug Talibon.

Kini dako kaayog ikatabang sa mga pasyente sa layong kalungsoran kay di na mahago sa pagbiyahe ngadto sa Gallares Hospital sa syudad sa Tagbilaran.

Ang Gallares Hospital maoy kinadak-ang tambalanan sa Bohol nga gidumala sa kagamhanan.

Subling gipasalig ni Gob. Edgar Chatto nga himoon niya ang tanan sa pag-ugmad sa mga pasilidad ug serbisyo sa mga tambalanan nga gidumala sa lalawigan.

Kini kabahin sa nagpadayong hospital modernization program nga kumpletohon ni Chatto sa iyang ikatulong termino.

Kanit niini, masaligon si Kong. Rene Relampagos nga molusot ang iyang balaodnon nga modoble sa kapasidad sa Gallares Hospital ngadto sa kapin sa 500 beds.

Hingpit na kining aprubado sa Kamara de Representante ug nilusot na sa ikaduhang pagbasa sa Senado apan naabtan sa pagpuli sa bag-ong administrasyon. (Ven rebo Arigo)

COMMENT Here...

About the author / 

admin

Related Posts

Follow Us