News Update!

Bohol nanguna sa rehiyon sa DILG ‘seal of good governance’ sa 2015

111

NANGUNA ang Bohol sa tibuok rehiyon nga gipasidunggan sa Seal of Good Local Governance (SGLG) for 2015 gikan sa Department of Interior and Local Government (DILG) sa Bohol Tropics, dakbayan sa Tagbilaran kaganiha.
Ang SGLG gilangkub sa mga indicators nga nagmatuod sa katakus sa LGU sa good financial housekeeping, disaster preparedness, social protection, peace and order, environmental management, ug business-friendliness and competitiveness.
Pinangunahan sa kagamhanang probinsiyal ubos ni Gob. Edgar Chatto ug Bise Gob. Concepcion Lim, 10 ka mga LGU sa Bohol ang gipasidunggan sa DILG pinaagi kang Undersecretary for Local Government Austere Panadero.
Gawas sa kagamhanang probinsiyal, ang DILG seal nadawat sab sa mga LGU sa Alicia, Danao, Loboc, Loon, Maribojoc, Panglao, San Miguel, Sierra-Bullones ug Talibon.
Nangulo sa pagdawat sa pasidungog si Gob. Roel Degamo alang sa Negros Oriental ug mga syudad sa Bais ug Dumaguete ug mga lungsod sa Mabinay, San Jose, Sibulan ug Zamboanguita.
Si Gob. Zaldy Villa ang nangulo sa mga opisyales sa Siquijor sa pagdawat sa pasidungog ngadto sa kagamhanang probinsiyal ug mga lungsod sa Maria ug Siquijor.
Apil sa mga ganti ang DILG Seal of Good Local Governance Glass Marker ug P7 milyones sa probinsiya, P5 milyones sa syudad ug P3 milyones sa lungsod ubos sa nasyonal nga DILG Performance Challenge Fund (PCF).

COMMENT Here...

About the author / 

admin

Related Posts

New Capitol Building

Follow Us