NAGPASALAMAT ang Bohol Provincial Employees League (BOPEL) sa tanang suporta gikan sa administrasyon ni Gob. Edgar Chatto.

Ang organisasyon sa mga rank-and-file employees sa kagamhanang probinsiyal adunay 1,350 ka mga membro.

Gihulagway ni Engr. Ronilita Bunado, presidente sa BOPEL, ang 2018 nga laing mapuslanong tuig sa kapunongan.

Kini kay natuman ang mga target nga proyekto ug programa sa kahugpongan nga nasubay sa direksyon sa kaugmaran sa kagamhanan sa probinsiya, ilabina na sa paglambo sa human resources.

Apan ang tanang kalamposan di mahimo kon wala pa ang hugot nga suporta sa mga tawong may “lumo nga kasingkasing” sama kang Chatto, matud ni Bunado.

Ang mga opisyal sa BOPEL pormal nga nagpasalamat sa gobernador pinaagi sa suwat sa ilang presidente.